ആസക്തി 

ആസക്തിയേറിയാല്‍ തെറ്റിടും നില 

ആളെത്ര മാന്യനാകിലും തഥാ !

ആസക്തി കത്തിജ്ജ്വലിപ്പിക്കും വികാരത്തെ 

ആസക്തിയാല്‍ ജീവന്‍ തകിടം മറിഞ്ഞിടും .

ആസക്തിയൊരു ചങ്ങലയാണോര്‍ക്കണം 

ആത്മാവിനെ കെട്ടി വരിയുന്ന ചങ്ങല !

ആസക്തിയില്ലാത്ത ജീവിതമൊന്നു താന്‍ 

ആത്മശാന്തിക്കേറ്റവുമനിവാര്യം.

ആസക്തിയില്ലാതിരിക്കണമെങ്കിലോ 

ആത്മനാഥനാം ദൈവത്തില്‍ രമിക്കണം.

ആര്‍ത്തി യും കാമവും കോപവുമൊക്കെയും 

ആറിത്ത ണു ത്തിടും സത്യാവ ബോധ ത്താല്‍ 

ആത്മസ്വാതന്ത്ര്യം കൈവരാന്‍ സോദരാ 

ആത്മധ്യാനമതു ചെയ്യുക നിത്യവും !

-എസ് .എഴുമല 

 മാധ്യമങ്ങളോട് 

പീഡനമെന്നൊരു വാര്‍ത്തകൊണ്ടു 

പത്രവും ചാനലും നിറയുന്ന കാലം !

പീഡന വാര്‍ത്തകള്‍ വായിച്ചു വായിച്ച് 

പീഡകരേറെ പെരുകുന്ന കാലം !

മാധ്യമങ്ങളേ  മാറ്റുക നിങ്ങളീ 

മാരകദോഷം വരുത്തുന്ന വാര്‍ത്തകള്‍ 

മനസിനെ  മാലിന്യംകൊണ്ടു  നിറയ്ക്കുന്ന 

മാലിന്യ വാഹകരാകല്ലേ നിങ്ങള്‍ !

-  എസ് . എഴുമല 

പുതുവര്‍ഷം! 

പിറക്കുംവര്‍ഷമെല്ലാം പുതുവര്‍ഷം 

പിറവിക്കതീതമാണനന്ത കാലം !

പിറന്നതിന്‍ ലകഷ്യമതൊന്നു മാത്രം 

പിറന്നോരെല്ലമിതോര്‍ത്തിടേണം !

പരാപരപ്പൊരുളേ നിന്നെ നോക്കി 

പാര്‍ത്തിടും ഞാനീ പാര്‍ത്തലത്തില്‍ !

"പീഡനം "

പീഡനമെന്നാലിന്നു ലൈംഗികം മാത്രം 

പെയ്സ്റ്റെന്നാല്‍  കോള്‍ഗേറ്റുപോലെ !

പാപമെന്നാല്‍ ചിലര്‍ക്കു ലൈംഗികം മാത്രം 

പാപത്തിന്‍ നേരര്‍ത്ഥമറിഞ്ഞിടാത്തോര്‍ 

പ്രപഞ്ചനാഥന്‍റെ പ്രമാണമേതും

പാപമാണതിന്‍ ലംഘനമറിഞ്ഞുകൊള്‍ക!

Facebook

Silvester EzhumalaO.N.V.Kurup

November 8, 2011 at 6:03am ·

• പൂച്ചഭക്തന്മാര്‍ പെരുകുന്നു ഭൂമിയില്‍
  പൂച്ചക്കു ഭക്ഷണം കൊടുക്കുന്നു പുരോഹിതര്‍
  പൂച്ചഭക്തി ദൈവഭക്തിയെന്നു ധരിക്കുന്നു
  പൂച്ചകള്‍ സ്വയം ഭക്തരായി നടിക്കുന്നു

  Like ·

  • 2 people like this.