വിവേകരഹിതം കാമം
വികാരഭരിതം കാമം
സ്വാര്‍ത്ഥജടിലം കാമം
സമാധാന നാശകം കാമം.
കാമം കത്തിജ്ജ്വലിക്കുന്നു
കാമം കത്തിക്കരിക്കുന്നു.
കാമത്തിനില്ല കാഴ്ച്ചയൊട്ടും
കാമമൊരു മദയാനതന്നെ!
+ + + +
സ്നേഹമോ ദിവ്യമാം വികാരം
സ്നേഹം സുബോധ പ്രകാശം!
സ്നേഹം വിവേകപൂരിതം
സ്നേഹം ത്യാഗ പ്രചോദകം.
സ്നേഹത്തിന്നസൂയയില്ല
സ്വാര്‍ഥത സ്നേഹത്തിനില്ല
സ്നേഹം കലഹിക്കയില്ല
സ്നേഹമെല്ലാം സഹിക്കുന്നു
സ്നേഹമെല്ലാം പൊറുക്കുന്നു.
സ്നേഹം സന്തോഷദായകം .
ഇതത്രേ യേശുവിന്‍ സ്നേഹം
യേശു കല്‍പ്പിച്ച സ്നേഹം .
യേശുവിന്‍ ശിഷ്യരാകാന്‍
സ്നേഹിക്ക പരസ്പരം നമ്മള്‍ !
-എസ് .എഴുമല
No comments:
Post a Comment